Börnin byrjuðu daginn á sundmóti. Þar var keppt í ýmsum greinum og stóðu sig allir mjög vel 
Það var mikið fjör á vordegi leikskólans. Börnunum var skipt upp í hópa og svo fóru þau á hinar ýmsu leikjastöðvar. Allir fengu grillaðan hamborgara í hádeginu sem var „dásamlega“ góður eins og ein sagði
Allir voru málaðir í framan og komu með mér til baka í skólann hinar ýmsu verur:)
Skemmtilegur dagur kveðja Halla og 1.bekkur
Yngsta stig – maí 2012
16. maí – Sundmót yngsta stigs í tveimur fyrstu tímunum. Börnin þurfa að hafa með sér sundföt þennan dag. 1. bekkur fer á Vorhátíð í leikskólanum eftir sundmótið.
Föstudagur 18. maí – yngsta stig, Ólympíuþema að morgni og Litlu ólympíuleikarnir í framhaldinu á íþróttavellinum. Nauðsynlegt að mæta í þægilegum klæðnaði og góðum skóm.
21. maí – 1.-4. bekkur, Skógardagar. Útivinna allan daginn, klæðnaður við hæfi.
Þriðjudagur 22. maí vorferð á Álfaskeið
Förum frá skólanum að morgni með skólabílum að Ásatúni. Göngum þaðan á Álfaskeið. Leikum okkur og höfum gaman. Takið með ykkur bolta, flugdisk, flugdreka og annað sem gaman er að leika með.
Grillum pylsur í hádeginu. Pylsur og drykki fyrir hádegishressingu fáum við úr mötuneytinu.
Það sem þarf að hafa meðferðis:
Morgun- og síðdegisnesti. Leyfilegt að vera með sætt nesti t.d. snúða, kex og safa. Ekki er leyfilegt að vera með gosdrykki og sælgæti.
Muna eftir útidóti, fatnaði við hæfi og spariskapinu.
24. maí – Stofutiltekt, nauðsynlegt að hafa skólatöskuna meðferðis.
25. maí – Vordagur, gleði og gaman, allir saman
31. maí – Skólaslit
Námsmatsdagar eru skráðir á skóladagatal 21.-25. maí. Þessir dagar eiga ekki við nemendur á yngsta stigi. Þar fer námsmat fram hægt og bítandi, unnið eins og hver önnur verkefnavinna. Sú vinna verður líklega yfirstaðin þegar að þessum tíma kemur.
Sumarkveðjur frá umsjónarkennurum á yngsta stigi
Í dag hittumst við í skóginum og fórum í leiki og ýmsar þrautir. Við grilluðum okkur pylsur og sykurpúða yfir eldi. Það bragðaðist alveg svakalega vel. Við áttum skemmtilega stund með leikskólabörnunum og þökkum þeim kærlega fyrir daginn Við ætlum að hitta þau aftur á Vorhátíð leikskólans sem er 16.maí og hlökkum við mikið til
Þvílíkt stuð í skóginum
Kveðja Halla og 1.bekkur
Nú er vorskóli hjá 1.bekk og elstu börnunum í leikskólanum Við hittumst núna þrjá daga í röð og gerum eitthvað skemmtilegt saman. Í dag hittumst við á íþróttavellinum og fórum í nokkra leiki saman. Höfrungahlaup, boðhlaup, eitur í flösku og fleira. Það veitti ekki af að hreyfa sig mikið því það er ansi kalt úti. Við fórum einnig inná leikvöll hjá leikskólanum og lékum okkur frjálst saman í góða stund Þetta var mikið fjör og skemmtilegt.
Á morgun ætla leikskólakrakkarnir að vera með okkur í sundi. Við hlökkum til
Kveðja Halla og 1.bekkur
Það er búið að vera heilmikið fuglaþema í 1.bekk undanfarið. Við höfum skoðað fugla í umhverfinu okkar og á fuglavefnum sem er á bloggsíðunni okkar. Börnin hafa öll búið til sinn fugl sem fljúga nú um í stofunni okkar. Þar eru Hrafnar, Tjaldar, Hrossagaukur og Heiðlóa Börnin eru mjög áhugasöm um fuglana sem kemur líka vegna þrautar mánaðarins sem bekkurinn hefur tekið þátt í vetur, sem hefur einmitt verið að finna út hvað fuglar heita
Næstu skólavikur er miklar útivistarvikur. Við erum að fara í leikskólaheimsóknir, gönguferðir, skógardaga og ýmislegt annað. Passa þarf vel uppá að börnin séu klædd til útivistar og séu í góðum skóm til göngu og leikja.
Ekki senda þau í þungum stígvélum, það heftir þau bara. Gott er að hafa aukaföt í töskunni ef einhver blotnar, verður kalt eða verður mikið skítugur
Gerum útivistina ánægjulega
Kveðja Halla og Fríður
Í dag létu Birgir Valur og Sirui ljós sitt skína
Birgir Valur kom með tvo verðlaunapeninga sem hann fékk fyrir að taka þátt í körfuboltamóti og fótboltamóti. Þetta eru tveir gullpeningar sem hanga í fallegum borðum. Gaman að heyra hvað Birgir er áhugasamur um íþróttirnar og stefnir á enn fleiri verðlaunapeninga í framtíðinni Takk fyrir Birgir Valur
Sirui sagði okkur frá músabakpoka sem hún fékk frá pabba sínum. Bakpokinn er keyptur í Kína. Það er hægt að geyma ýmislegt í pokanum eins og bækur, lítið dót og fleira. Sirui ætlar að koma með bakpokann í skólann og sýna okkur. Við hlökkum til. Takk fyrir Sirui
Nú hafa öll börnin í bekknum fengið að láta ljós sitt skína og við erum orðin fróðari um ýmislegt. Það er virkilega gaman hvað börnin voru dugleg bæði að koma með mismunandi hluti og hvað þau voru dugleg að segja frá. Það eru bara frábærir krakkar í 1.bekk
Á morgun föstudag er dótadagur, við erum búin að safna okkur 150 rörum
Kveðja Halla, Fríður og 1.bekkur
Í dag létu Sveinn Jökull og Kacper ljós sitt skína
Sveinn Jökull kom með túnkort af bænum sínum. Hann sagði okkur til hvers túnin væru notuð. Þau eru notuð til að heyja í dýrin, rækta kál og beita á þeim. Einnig sýndi hann okkur hvar húsin heima hjá honum standa og til hvers þau eru notuð Mjög fróðlegt og skemmtilegt. Takk fyrir Sveinn Jökull.
Kacper sagði okkur frá hvernig hægt er að búa til boga. Hann hefur séð boga í Póllandi sem eru m.a. notaðir til að veiða með. Hann útskýrði vel fyrir okkur hvaða efni er best að nota og hvernig við berum okkur að. Það er aldrei að vita nema að við gætum búið okkur til boga úr trjánum í skóginum okkar. Takk fyrir Kacper þetta var mjög skemmtilegt og fróðlegt
Næstu sem ætla að láta ljós sitt skína eru Birgir Valur og Sirui
Kveðja Halla, Fríður og 1.bekkur
Í dag létu Eyrún og Óðinn Freyr ljós sitt skína
Eyrún kom með bjöllu frá Sviss sem notuð er til að hengja á geiturnar þar svo auðveldara sé að finna þær í skóginum. Einnig kom hún með þokulúður sem notaður var á skipum í gamla daga. Í mikilli þoku var blásið í lúðurinn til að láta hin skipin vita hvar þitt skip væri statt í þokunni. Mjög fróðlegt og skemmtilegt. Takk fyrir Eyrún
Óðinn Freyr sagði okkur frá kindum og lömbum sem hann og fjölskylda hans á. Hann kom m.a. með mynd af lambadrottningunni sem fæddist núna í vor. Heilmiklar umræður sköpuðust um af hverju lömbunum er slátrað á haustinn :/ Góðar og nauðsynlegar umræður, sem getur verið erfitt líka Takk fyrir Óðinn Freyr.
Nú ætlum við að hvíla okkur fram yfir helgi að láta ljós sitt skína. Börnin fá að vita á morgun hver lætur ljós sitt skína á mánudaginn
Kveðja Halla, Fríður og 1.bekkur
Í dag voru það Claudiu og Guðrún Hulda sem létur ljós sitt skína. Eitthvað var gleymskupúkinn að hrjá þau en þau ætla að koma með hlutina sína síðar og sína okkur
Claudiu sagði okkur frá steini sem hann fann með pabba sínum í skóginum okkar. Þetta er steinn sem breytir um lit ef hann er settur í vatn. Mjög spennandi Claudiu ætlar að koma með steininn og sýna okkur um leið og hann finnur hann. Takk fyrir Claudiu.
Guðrún Hulda sagði okkur frá eldgamalli bók sem afi hennar skrifaði. Hún ætlar líka að muna eftir henni síðar svo við getum fræðst betur um hana. Takk fyrir Guðrún Hulda við bíðum spennt eftir að sjá bókina Bókin er handskrifuð af langafa Guðrúnar Huldu og er nótnabók. Bókin er frá 1903 og er því yfir hundrað ára gömul. Það er svona gömul lykt af bókinni.
Á morgun ætla Eyrún og Óðinn Freyr að láta ljós sitt skína. Það verður fróðlegt og gaman að vita hvað þau ætla að fræða okkur um
Kveðja Halla, Fríður og 1.bekkur
Það er svo gaman hvað börnin eru virk í að láta ljós sitt skína að ég á eiginlega ekki til orð yfir hvað þau eru flott í þessu
Í dag voru það Gísli Gunnar og Matthildur Sif sem ljómuðu í dag.
Matthildur Sif kom með ýmislegt í poka. Þar leyndist m.a. steinn sem flýtur og skeljar sem hún og systkini hennar tíndu m.a. á Rauðasandi og hjá Látrabjargi. Hún kom einnig með myndir af þessum tveimur stöðum. Mjög áhugavert Matthildur, takk fyrir
Gísli Gunnar kom með rútu sem hann smíðaði alveg sjálfur með smáaðstoð frá afa sínum. Hann sagði okkur frá því að hann hefði sagað tré heima hjá sér sem hann bjó til rútuna úr. Einnig sagði Gísli okkur það að hann væri að smíða ýmislegt annað með afa sínum eins og risa stól Takk fyrir Gísli Gunnar.
Á morgun ætla Guðrún Hulda og Claudiu að láta ljós sitt skína. Hlökkum til
Kveðja Halla, Fríður og 1.bekkur