Á föstudaginn var þorrablót hjá yngsta stigi.  4. bekkingar fræddu okkur meðal annars um matarvenjur í gamla daga .  Á boðstólum var alls konar þorramatur, flatkökur og kleinur sem nemendur bökuðu sjálfir í heimilisfræðinni.  Einnig voru hrútspungar, sviðasulta, hákarl, magáll, lifrapylsa og harðfiskur.  Krakkarnir voru mjög duglegir að smakka og smökkuðu flest, meira að segja var hákarlinn bísna vinsæll. Sungin voru Fósturlandsins Freyja, Táp og fjör að ógleymdum Þorraþrælnum.  Vel heppnað blót í alla staði.

Í dag vorum við að æfa okkur í stafsetningu og á eftir ætlum við að fara í stærðfræði auk þess að fræðast um dýrin sem Nói tók með sér í örkina sína.

Í vikunni höldum við áfram að vinna í Sprota og vinnubókum auk þess að skrifa sögu í sögubókina.

Á föstudaginn kemur svo Magnea til okkar eins og hún gerir oft á föstudögum og fræðir okkur um nótur og ýmis hljóðfæri.

Á föstudaginn er einnig könnun í stærðfræði.  Nemendur eiga að þekkja myntirnar, krónur, fimmkalla og tíkalla, nemendur geti talið tugi og einingar.  Nemendur geti sagt til um hvað klukkan er, heilan og hálfan tíma.  Nemendur geti fundið helming peningaupphæðar sem sýnd er á mynd.  Nemendur geti fundið stærð flatar með því að telja fjölda reita sem flöturinn þekur.  Nemendur leggja saman tugatölur og draga frá.

Umsjónarmenn vikunnar eru: Arngrímur Jökull og Vignir.

Þeir sem láta ljós sitt skína á föstudaginn eru: Bjartur Snær og Hjörtur Snær.

 Í þessari viku, fyrstu viku þorra verður höfum við mikið fyrir stafni.

Á morgun, þriðjudag legg ég fyrir Læsi, lestrarskimun fyrir 2. bekk, fyrra hefti.  Í heftinu eru verkefni varðandi       umskráningu algengra orða, að lesa orð í heild ásamt verkefnum í að greina samsett orð og orðalestur.  Kolbrún verður með mér í tímanum.

Nú á þorra æfum við þorralög og vetralög t.d. Þorraþrælinn, minni kvenna, Táp og fjör og krummavísur eins og Krummi sat í klettagjá.

Á föstudag verður svo árlegt þorrablót yngsta stigs.  Þá fá þau að smakka á ýmsu góðgæti.  Gaman væri að börnin kæmu í lopapeysum í skólann ef þau eiga.

Við höldum áfram að fjalla um Syndafallið, Örkina hans Nóa.  Þau velja sér dýr til að setja í örkina, mála og skrifa hvað dýrið heitir, er það rándýr? spendýr o.s.frv.

Ég er að æfa börnin í talnaskilningi.  Þau giska á  vegalengdir, giska á þyngd,  telja í tugum, reyna að læra plúsheiti utanað fyrir 10 og fleira skemmtilegt.

Heimavinna:  Sproti, æfingahefti.  Búið er að merkja í bækurnar.  Skila á mánudaginn.

Muna svo að lesa og skrifa orðin heima.  Æfingin skapar meistarann.

Bestu kveðjur

Sjöfn

Sproti, verkefnabók verður aftur í heimavinnu í þessari viku.  Búið er að merkja í bækurnar.  Muna svo eftir heimalestrinum og orðunum í stílabókina.

Kveðja

Sjöfn

Sæl öll.

Nú hefur hlánað mikið og ætlum við því í dag að fara í skóginn í nokkra athyglisleiki.  Í morgun létu Ingibjörg og Þórey Þula ljós sitt skína og var bæði fróðlegt og skemmtilegt að hlusta á þær og sjá það sem þær höfðu meðferðis.

Í vikunni höldum við áfram í verkefnabókunum í íslensku og í Sprota bókunum.  Í kristinfræðinni fjöllum við um örkina hans Nóa og gerum stóra mynd sem fer á vegginn.

Þorrinn byrjar á föstudaginn  með bóndadeginum og munum við fræðast um bóndadaginn og þorrann.  Við vinnum í ritun um þorrann og teiknum líka myndir.

Þorrablót yngsta stigs er fyrirhugað þann 27. janúar, sem er föstudagur.

Umsjónarmenn vikunnar eru:  Hjörtur Snær og Damian.

Þeir sem láta ljós sitt skína eru:  Vignir og Andrea Ósk.

Sæl öll.

Veður og færð ætla greinilega að vera okkur erfið í byrjun árs.  

Ég komst ekki inn á Mentorinn og er því áætlun vikunnar ekki komin inn.  Vonandi hefst þetta á morgun.

Í vikunni höldum við áfram að vinna með lesturinn, skriftina, ritun og stærðfræði.  Ég reyni að láta flesta lesa og eins er nauðsynlegt að þau lesi heima.  Lesturinn er undirstaða alls náms.  Við erum að vinna í Ritrún, þar er kynnast börnin stafrófinu, læra stafrófsvísuna, þau ríma og vinna með margvísleg orð og semja t.d. ævintýri.  Í sprota er unnið meðal annars með reiknisaðgerðirnar plús og mínus auk klukkunar,  marghyrninga og hringi. 

Börnin eiga að reikna heima um það bil tvær blaðsíður í vikunni.  Búið er að merkja dagsetningar í æfingahefti Sprota.

Við höldum áfram með kristinfræðina, þau kynnast nokkrum bænum og læra um Kain og Abel.

Umsjónarmenn vikunnar eru Sonja Ýr og Bjartur Snær.

Þeir sem láta ljós sitt skína á föstudaginn eru:  Ingibjörg Bára og Þórey Þula.

Bestu kveðjur

Sjöfn

Gleðilegt ár og takk fyrir það gamla.

Börnin mættu öll í morgun glöð og kát eftir jólafríið. 

Í þessari viku vinnum við áfram í Sprota og í íslenskubókunum.  Í dag fjölluðum við um álfa og sungum Álfareiðina eftir Jónas Hallgrímsson.  Þau skrifuðu svo upp fyrsta erindi ljóðsins og teiknuðu myndir sem lýstu ljóðinu.

Þau halda auðvitað áfram að æfa lesturinn og er mjög mikilvægt að þau lesi heima og skrifi setningar í stílabókina, það er heimavinna vikunnar.

Bestu kveðjur Sjöfn

Sæl.

Í þessari viku víkur hefðbundin kennsla að nokkru leyti fyrir jólaundirbúningi.

Við æfum jólaguðspjallið fyrir litlu jólin. 

Við búum til jólabók og ljúkum við að útbúa jólagjöf til foreldra.

Á þriðjudaginn í síðustu tímunum ætlum við að reyna að fara á sleða ef veður leyfir og væri því gott að börnin hefðu með sér þotur eða eitthvað til að renna sér á.

Á miðvikudaginn fara allir nemendur á yngsta stigi á söngæfingu í Skálholt.  Ráðgert er að æfa þar í klukkustund.

Eftir hádegi á miðvikudag verður smákökunesti, þá mega börnin hafa með sér smákökur í nesti.

Næsta mánudag þ.e. 19. desember verða lokaæfingar í Félagsheimilinu með atriðum litlu jólanna.  Á æfinguna mega foreldrar og eldri borgarar mæta en allir eru velkomnir.

Engin  heimavinna verður í vikunni en nauðsynlegt er að gleyma ekki heimalestrinum.

Á litlu jólunum verðum við með pakkarugl.  Hvert barn á að koma með pakka sem má kosta c.a. 500 kr.

Sæl og blessuð öll.

Í dag fékk yngsta stigið að sjá leikrit með leikskólanum og var það sýnt  í Félgasheimilinu.  Leikritið hét Prumpuhóllinn og var um stúlku sem villtist frá heimili sínu og hitti einmana tröllastrák.  Þetta var skemmtileg tilbreyting í skammdeginu. 

Nú erum við að komast í jólaskap og vinnum við þessar tvær vikur sem eru til jólafrís mikið með jólin. 

Á litlu jólunum leikum við í 2. bekk jólaguðspjallið og byrja æfingar í vikunni.

Í samfélagsfræði/kristinfræði vinnum við með aðventuna, við búum til nokkurs konar bók sem líkist altari. 

Á föstudaginn verður svo jólahringekja yngsta stigs og búa þá börnin meðal annars til jólagjöf handa foreldrum sínum.

Í heimavinnu þessa viku er að sjálfsögðu heimalestur og ein blaðsíða í æfingahefti með Sprota.  Blaðsíðan er merkt.

Börnin eiga að skila vitnisburðamöppunum aftur í skólann, einhverjir eru ekki búnir að skila.

Í desember er óvenjumikið föndrað og klippt og er því gott að nemendur séu með skæri, lím og liti þessa dagana í töskunni.

Bestu kveðjur

Sjöfn

Sæl.

Nú er aðventan gengin í garð með jólasnjó og ljósum.

Í vikunni munum við skreyta gluggana í stofunni og hengja upp seríur.  við útbúum dagatal og teljum dagana til jóla.

Við skrifum jólasögu eða hvað það er skemmtilegt að leika sér í snjónum. 

Í stærðfræði höldum við áfram með Sprota og við lesum nær daglega.  Ekki er samt víst að allir nái að lesa daglega og er því nauðsynlegt að börnin lesi heima.

Í heimavinnu er íslenskublað í plastmöppunni sem á að skila á mánudaginn.

Sæl.

Á morgun er fyrirhuguð íþróttaferð að Laugarvatni með yngsta stigið.  Keppt verður í ýmsum greinum og markmiðið er að allir taki þátt.  Við förum fljótlega eftir að skóli byrjar í fyrramálið og komum aftur í hádeginu.  Engin breyting á skólaseli eða skólabílum.  Skólinn sér börnunum fyrir nesti eins og vanalega á morgnanna.

Bestu kveðjur

sjöfn