5. bekkur
Þeir sem eru jákvæðir eru frábærir!

Þá er þessi vika þotin eins og aðrar. Í morgun sagði Laufey Helga bekknum frá ferðinni sem hún fór til Svíðþjóðar og Danmerkur, um daginn. Hún sýndi myndir á skjávarpa og sagði mjög vel frá mörgu. Krakkarnir voru áhugasamir og þá sérstaklega um dýragarðinn .

Vikan einkenndist annars af því að nemendur eru að klára upp ýmist námsefni en einnig tókum við lesskilningspróf.

Með heimavinnunni sem fór heim í gær sagði ég frá því hvenær prófin ættu að vera svo skoðið endilega miðann með heimavinnunni (hann fór líka í tölvupósti í gær). Varðandi íslenskuna er námsefnið: Vandamálið enn í skólanum því við erum að klára að fara yfir nokkrar mikilvægar blaðsíður. Líklega fer bókin heim á mánudaginn. Annars er góður undirbúningur fyrir prófið í málfræðinni að vinna heimavinnuheftið sem fór heim í gær.

Á fimmtudaginn í næstu viku er að sjálfsögu frí því þá er uppstigningardagur en til viðbótar allri venjulegri stundatöflu í næstu viku,  þurfa krakkarnir að hafa með sér sundföt á miðvikudaginn því þá stendur til að skreppa í laugina á sundmót.

Góða vika liðin og skemmtilegur dagur að baki í dag því við fórum í ferð upp á Högnastaðaás til að læra um fjallahringinn. Við tókum myndir og skrifuðum nöfn margra fjallanna. Við klárum svo þetta verkefni í næstu viku með því að setja fram plakkat.

Árdís Lilja hafði heppnina með sér í vikunni því hún var dregin út sem vinningshafi á Bókasafninu eftir að hafa tekið þátt í því að velja bestu barnabókina. Ársís fékk skemmtilega bók að launum.

Við erum dottin í lokasprettinn í mörgu námsefninu og kannarnir og próf bresta á. Lestrarpróf var í vikunni og var áberandi bæting í leshraða hjá þeim sem virkastir voru í lestrarátakinu. Nánari fréttir koma síðar.

Við Kristófer nýttum hreyfistundina í vikunni í að fara út að hjóla. Það gekk vel og var gaman.

Gleðilegt sumar og takk fyrir veturinn.

Vikan er þotin en hún var með heilmiklu uppbroti eins og margar vikurnar. Sumardagurinn fyrsti var í gær og þá var að sjálfsögðu frí í skólanum og á þriðjudaginn tók allur skólinn þátt í skólaþingi en yfirskrift þess var á þessa leið: Hvernig gerum við skólann betri. Nemendur unnu saman í hópum og komu með margar góða og gagnlegar tillögur í þá átt. Í lok þings voru allir leystir út með kókómjólk og kleinu.

Á miðvikudaginn komu nokkrar stelpur úr 10. bekk og kenndu okkur dönsku. Við fórum í leik á dönsku og hvað eina. Þetta er verkefni í tengslum við norræna tungumáladaginn.

Í íslenskunni erum við mest að vinna með lýsingarorðin og i stærðfræðinni eru það almennu brotin.

Í landafræðinni höfum við mikið skoðað myndir frá hinum ýmsu stöðum á Íslandi og þannig komist nær landinu, í huganum  að minnsta kosti. Það er gott og gagnlegt að skoða myndirnar því þá getum við spjallað saman og deilt reynslusögum frá ferðalögum og fleiru.

Ágæt vika að baki. Allt komið í gang á ný eftir páskafrí en greinilegur vorhugur komin í börnin því spurningin „Getum við ekki farið út?“ heyrist orðið oft á dag. Það er auðvitað eðlilegt þegar veðrið er gott og frí nýyfirstaðið.

Við tókum skemmtilegan rúnt í morgun þar sem við fórum með ramma, blað og blýant út í góðan göngutúr. Foreldrar fá betri fréttir af þessu verkefni síðar og vil ég því ekki segja of mikið núna. Myndirnar eru þó flottar og segja sitthvað.

Margir tóku stærðfræðikönnun í vikunni og var hún upp úr nýloknum kafla í Stiku 1b sem hét Mælingar (flatarmál, ummál, breytingar úr cm í mm og dm í cm, Stærðarhlutföll 1:2 og svo frv.). Það er skemmst frá því að segja að allir náðu megin inntaki kaflans og eru því í góðum málum. Við erum farin af stað með næsta kafla en hann heitir Almenn brot og fyrstu blaðsíðurnar voru spændar upp svo við horfum bjartsýn áfram vegin í stærðfræðinni.

Í íslenskunni erum við alltaf við og við að vinna með gagnvirkan lestur og vorum t.a.m. að einbeita okkur að því að taka eftir atriðunum þegar við lesum texta: HVAR..gerist sagan-HVERJAR..eru persónurnar-HVAÐ..gerist í sögunni–HVERS VEGNA..gerist þetta  og  HVENÆR…gerist …(sagan).Við komumst að því að þegar við einbeittum okkur að þessum 5 H-orðum kunnum við textan sem við lásum ótrúlega vel svo þetta er eitt þessum góðu atriðum sem gott er að hafa í huga til að bæta lesskilning.

Landafræðin fær einnig heilmikinn tíma en nú erum við byrjuð á Norðurlandi eystra.

Guðbjörg Viðarsd., umsjónarkennari

Frábær Árshátíð að baki og gaman að sjá fullt hús af áhorfendum. Kærar þakkir fyrir komuna og stuðninginn. Bekkurinn stóð sig virkilega vel á sviðinu og leikritið varð að flottu stykki. Gúmmí Tarzan fékk að vera hetja einn dag og „vonda“ fólkið lærði sína lexíu,þökk sé ofurhetjunum. Inn á bekkjarsíðunni er fullt af myndum frá Árshátíðinni, endilega kíkið.

Í dag unnu krakkarnir fallegt páskaföndur eins og sjá má á myndinni. Vandvirknin var í fyrirrúmi og útkoman flott. Í dag ræddum við líka heilmikið um páskadagana og hvernig þeir tengjast kristinni trú.

Það eru nokkrir með stærðfræðibókina í töskunni en samkvæmt áætlun áttu krakkarnir að klára niður bls 25. Það er langt síðan þeir hafa farið í verkefni sem eru svipuð og á bls 22-23 svo það kemur bara í ljós hvort þeir stranda.  Eitthvað verður þá að bíða þar til eftir páska.

Allir eru líklega komnir langt með lestrarátakið og ráða því hvort þeir nota næstu daga til halda áfram og klára eða taka hlé fram yfir páska.

Skólinn byrjar svo aftur eftir páskafrí þriðjudaginn 10. apríl.

Hafið það gott og gleðilega páskahátíð.

Guðbjörg Viðarsd., umsjónarkennari

Vikan fór ótrúlega mikið í vinnu fyrir árshátíð. Við erum búin að fara nokkrum sinnum á svið og leikritið gengur nokkuð vel. Búningar eru að mestu komnir í hús ásamt flestum leikmunum.

Áshátíðin veður svo á miðvikudaginn næsta, þanna 28. mars kl. 16:00. Allir eru að sjálfsögðu velkomnir svo endilega látið þetta spyrjast út meðal vina og ættmenna.

Krakkarnir eig tvöfaldan dag í skólanum þennan miðvikudag og fara því ekki heim kl 15:10 eins og vanalega.

Kveðja

Guðbjörg Viðarsd.

Viðburðarík vika að baki. Halldórsmótið í skák var haldið með pompi og prakt á miðvikudaginn var og var mikið og góð þátttaka á mótinu. Á mótinu voru tveir aldurshópar 3.-7. bekkur annars vegar og 8.-10. bekkur hins vegar og gafst öllum tækifæri á að taka þátt sem vildu. 5. bekkur kom sterkur inn og tóku langflestir nemendur þátt og stóðu sig með prýði. Formleg úrslit hafa ekki verið kunngjörð svo það bíður fram í næstu viku.

Árshátíðarleikritið er komið í gang og leiklestur og sviðsstaða er komin á fullt. Sumir eru þegar búnir að læra textana sína og leikrænir tilburðir sjást víða. Annað nám víkur að stórum hluta fyrir æfingum. Reynt er þó að halda inni tímum í stærðfræði og landafræði.

Okkur var boðið á generalprufu í Þjórsárskóla í morgun og gaman var að fara og sjá þeirra verk.

Vikan hefur því liðið hratt enda uppbrot með meira móti.

Góða helgi

Kveðja

Guðbjörg Viðarsd.

Fín vika að baki og allt rúllar.

Foreldraviðtalsdagurinn var á þriðjudaginn og þar var góð mæting sem endranær. Takk fyrir komuna og spjallið. Það er alltaf gott að hittast og taka stöðuna.

Lestrarátak fór af stað (þeir sem eru byrjaðir fengu tölvupóst í vikunni) og nú verður aldeilis tekið á því fram að páskum. Átakið miðar að  því að bæta leshraða þegar lesið er upphátt.

5. bekkur fór í myndatöku á miðvikudaginn og bind ég vonir um góðar myndir því krakkarnir voru mjög stilltir og prúðir svo myndatökunni var fljótt skúbbað af…..

Stærðfræðibókin Stika 1a er búin og nú erum við byrjuð á Stiku 1b. Fyrsti kaflinn snýst um mælingar og er nú meira og minna upprifjun á eldra efni. Við tókum litla könnun í vikunni úr restinni af hinni bókinni og gekk hún bara nokkuð vel. Þau atriði sem ekki komu vel út verða rifjuð upp betur þegar vorar.

Í íslenskunni er svolítið um nýja hluti þessa dagana t.d. í ljóðum kynnast krakkarnir ekki bara endarími heldur líka svo kölluðu innrími og brutum heilann heilmikið um það hvernig við gætum gert vísur með því. Allt hafðist þetta og kannski verður ljóðabók bara gefin út……. Í málfræðinni eru krakkarnir líka að læra um sterka og veika beygingu nafnorð svo eitthvað nýtt sé nefnt.

Í landafræðinni er það Vestfirðir sem njóta sín. Við notum tækifærið til að æfa alla að koma fram fyrir bekkinn og segja frá tilteknum stað sem verið er að lesa um svo landafræðin samþættist öðrum fögum.

Árshátíðin verður svo í síðustu vikunni fyrir páska og við höfum verið að reyna að hugstorma um leikritið sem eitthvað þarf að tengjast ofurhetjum því það verður þema hátíðarinnar. Við erum einhvers staðar stödd……………frekar háleitar hugmyndir komnar á blað sem er nokkuð erfitt að framkvæma á sviði…….spurning hvernig fer………………

Góða helgi

Kveðja

Guðbjörg Viðarsd.

Vikan gekk nokkuð vel að vanda, heilmikil vinna í ýmsum
fögum og eitt og annað gert til tilbreytingar.

Í stærðfræðinni erum við flest að klára Stiku 1a og tökum
því fljótlega stöðupróf úr síðasta kaflanum. Svo hellum við okkur í Stiku 1b og
erum því á heljarinnar skriði í stærðfræðinni.

Í landafræðinni erum við búin að kynna okkur Vesturland og
notuðum m.a. tæknina til að sjá fullt, fullt, fullt af myndum, í gegnum
Internetið, af hinum ýmsu stöðum á Vesturlandi. Það er bara gaman að spjalla um
og fræðast um okkar fallega land. Við byrjuðum svo á Vestfjörðum í dag og
lærðum hið furðulega orð: P-TADÖSÍ……sem aðrir verða bara að spyrja 5. bekkinga
um ef þeir hafa áhuga á að vita hvað það þýðir!!!

Námsmatsmöppurnar fóru heim í dag með fullt af upplýsingum
og eru allir beðnir að lesa möppurnar vel yfir fyrir foreldraviðtalsdaginn, sem
er á þriðjudaginn næsta. Ýmsar kannanir fóru líka heim ( í plastvasa) og vil ég
biðja ykkur að skoða þær og skila svo síðar í skólann.

Allir eru líka beðnir um að svara leiðsagnarmati inn á
mentor fyrir viðtalsdaginn. (sjá leiðbeiningar sem Guðrún skólastjóri sendi í
tölvupósti um daginn.

Í morgun skelltum við okkur svo í að spila Félagsvist. Við byrjuðum
bara einfalt og í morgun spiluðum við bara grand og ekkert tromp. Stundin var
góð og gagnleg og ætla ég að halda þessu áfram við tækifæri. Allir kunna að sortera
en flestir þurfa þjálfun í því og hraðinní því að gefa spil á einnig efa lítið
eftir að aukast.

Góða helgi

Kveðja

Guðbjörg Viðarsd.