6. bekkur

Vikan er búin að ganga vel hjá okkur og jákvæðir og duglegir.  Sunneva sól sýndi okkur verðlaunin sín og sett var mynd af henni á forsíðu Flúðaskólasíðunnar.

Í stærðfræði héldum við áfram með ummál og flatarmál en nemendur kláruðu lotuna en fengu svo aukahefti til upprifjunar á formúlunum.  Þeir klára þetta hefti fyrir miðvikudag í næstu viku en þá er könnun úr efninu.

Í íslensku héldum við áfram að vinna í vinnubók og lesbók þar sem nemendur fengu heimavinnu að lesa og skila verkefni – það voru góð skil hjá öllum – flottir krakkar.   Við erum á undan áætlun í íslensku námsefninu sem er frábært. 

Í náttúrufræði lærðum við um beinagrind og vöðva en ekki náðu allir að vinna verkefnavinnuna tengda því þar sem norræna skólahlaupið var á sama tíma. 

Allir nemendur í 6. bekk hlutu í Norræna skólahlaupinu og voru dugleg að skokka mismunandi vegalengdir.  Boðið var upp á 2,5 km, 5 km og 10 km. 

Það er snemmbúið helgarfrí að skella á enda eru réttir á morgun.  Góða skemmtun og góða helgi.

Við óskum bekkjarfélaganum okkar, henni Sunnevu Sól, innilega til hamingju með frábæran árangur í Nýsköpunarkeppni grunnskóla.  Hún vann önnur verðlaun og fékk verðlaunapening, peningaverðlaun, námskeið á FABLAB vinnustofu í Vestmannaeyjum og rétt til þátttöku í Háskóla unga fólksins sem haldinn er á hverju sumri.

Frábær árangur Sunneva Sól

Vikan er búin að vera góð.

Í tölvum byrjuðu nemendur að blogga og ég held að allir séu farnir að komast inn á bloggsíðurnar áfallalaust og nú er um að gera að æfa sig.  Blogg í 6. bekk er ekki heimavinna heldur vinnum við í því öðru hvoru í vetur til að nemendur læru vel inn á það.  Þar inn færa þeir inn efni tengd náttúrufræði, læra að vísa í greinar og vonandi náum við að setja inn eitthvað af verkefnunum þeirra sem þeir vinna í vetur í náttúrufræðinni.

Í íslensku unnum við með upprifjun á nafnorðum, unnum eitt lesskilningsverkefni um goðin og eina stafsetningaræfingu.  Svo unnu þeir auka í bókina Mál í mótun þar sem unnið er með orð, samsett orð, skipta orðum á milli lína og skammstafanir. 

Í stærðfræði er haldið áfram með ummál og flatarmál.  Þetta er nú allt að koma hjá okkur en í næstu viku fá nemendur upprifjunar og æfingarhefti því prófað verður úr efninu eftir réttir.

Í lífsleikni í gær spjölluðum við aðeins saman og fórum svo út í leiki.  Góður endir á annars löngum degi og viku.

Takk fyrir vikuna og góða helgi.

Nú er allt að færast í fastar skorður hjá okkur hér í 6. bekk.

Í íslensku höfum við verið að vinna í vinnubókum og lesbókum.  Við erum helst að vinna með nafnorð og svo lestur.  Katrín er með lestur og bókasafn á miðvikudögum og nú förum við að gera átak í lestri heima og hér í skólanum.   Í nýja íslenskunámsefninu er heilmikill lestur og textavinna og þær bækur fara að fara eitthvað heim.

Í stærðfræði erum við að vinna með ummál og flatarmál ferhyrninga og þríhyrninga.  þetta er lota 2.  Ég hef ekki sett inn lokaskil á lotunni þar sem við erum að prófa okkur svolítið áfram hvar og hvernig við stöndum í stærðfræðinni…

Í náttúrufræði héldum við áfram að vinna með umhverfið og haustið og skiluðu nemendur flottum verkefnum síðastliðinn þriðjudag.  Einkunn fyrir þau eru komin í mentor í verkefnabók.

Í lífsleikni ræddum við um hlustun..  þ.e. að hlusta þegar einhver talar og við grípum ekki fram í.

Frábær vika með frábærum krökkum – takk fyrir mig og góða helgi.

Þá er fyrstu kennsluvikunni lokið.  Við höfum farið frekar rólega af stað.

Í íslensku fengu nemendur nýtt námsefni þar sem þeir fá, vinnubækur, lesbækur og ljósritað efni.  Einnig notum við vef skólavefsins þar sem unnin eru verkefni sem tengjast bókunum.  Þetta nýja efni verður kynnt á námsefniskynningunni sem verður nú í haust, veit ekki nákvæmlega hvaða dag.

Í stærðfræði var ég með stöðumat í byrjun vikunnar og svo byrjuðum við að vinna í stjörnubókum og þá miða ég við stöðumatið í hvaða bók hver vinnur.  Það verður hins vegar í endurskoðun í allan vetur.  Í næstu viku byrjum við í stærðfræðlotunum.

Í náttúrufræði fórum við í skóginn og skoðuðum vistkerfi hans. 

Óhætt að segja að önnin byrjar vel, allir jákvæðir og vinnusamir.

Takk fyrir vikuna og góða helgi.

Þá er það fyrsta færslan í skólabyrjun. 

Í gær sendi ég innkaupalistann á alla foreldra en það er einnig hægt að fara inn á heimasíðu Flúðaskóla, þar undir nemendur og þar eru einnig upplýsingar um listann.

Næsta mánudag klukkan 9:00 er svo skólasetning í skóginum  ef  veðrið er gott en annars verðum við inni.  

Bestu kveðjur og góða helgi.

Miðstigið fer í vorferðalag, miðvikudaginn 25. maí.  Fyrirhugað er að fara á Þingvöll.  Börnin þurfa að hafa með sér hlý föt og sundföt.  Nánar auglýst síðar.

5. bekkur er búinn að taka lestrarpróf, lesskilningspróf og ritunarpróf.  Á föstudaginn 20. maí verður prófað í móðurmáli, mánudaginn 23. maí í stafsetningu  og 24. maí  í stærðfræði.  Það er mjög gott að rifja upp heima.

á þriðjudag, miðvikudag og fimmtudag verða útikennsludagar í skólanum.  Allur skólinn, nema 10. bekkur tekur þátt.  Á morgun verður sundmót hjá miðstigi og þurfa börnin því að hafa með sér sundföt á morgun.  Á fimmtudaginn er röðin komin að 5. bekk að vera í útikennslu og verður hann í útikennslu allan daginn.  Þá er nú gott að vera klæddur eftir veðri.  Börnunum verður skipt í 10 manna hópa og verður 5 bekkur með 6. og 7. í hóp.  Í útikennslunni verður ýmislegt brallað t.d. bakað rúgbrauð, garðyrkja, myndlist, ratleikur, gamlir leikir, fjármörk og íslenski hesturinn.  Þetta verður mjög spennandi og gott að vera vel klæddur því þessa dagana er ansi kalt úti.

Árshátíðin tókst vel og krakkarnir stóðu sig mjög vel.  Það var mikill spenningur og leikgleði í þeim og ég vona að allir hafi notið sín.  Nú er að koma kærkomið páskafrí en skóli byrjar aftur þriðjudaginn 26. apríl.  Daginn eftir eða á miðvikudeginum verður myndataka hjá 1. 5. og 10. bekk.