7. bekkur

Á miðvikudag fengum við væntanlega nemendur í 8. bekk í heimsókn. Tveir nemendur þær Ninna Ýr og Anna Marý höfðu undirbúið ratleik um skólann til að þau lærðu hvar þau eiga eftir að vera næsta vetur.

Nemendur eru duglegir að koma á hjólum í skólann og í morgun ræddum við mikilvægi þess að nota hjálma. Ég hvatti krakkana til að venja sig á að nota hjálma og bendi á póst sem sendur var til allra foreldra um hjálmanotkun. Ég hvet foreldra til að athuga hvort hjálmar barnanna eru í lagi og bæta úr ef eitthvað er að. Við viljum öll að börnin noti öryggisbelti í bílum og hjálmar eru líka nauðsynleg öryggistæki.

Nú er bara ein „venjuleg“ vika eftir af skólanum og síðan tekur við skógarvinna og námsmat að ekki sé minnst á ferðalög og vordag. Ég minni enn og aftur á mikilvægi þess að koma rétt klædd í skólann því útivist verður mikil það sem eftir er af skólanum.

Góða helgi

Ingibjörg

Í dag ætlar miðstig Flúðaskóla að blóta Þorra. Nemendur sjá sjálfir um að leggja á borð og skera matinn niður. Skemmtiatriði í boði bekkjanna eru að sjálfsögðu á sínum stað.

Nemendur eru byrjaðir að undirbúa sig fyrir Stóru upplestrarkeppnina sem fer fram um miðjan mars. Áður en kemur að lokakeppninni, sem verður að Borg, þarf að velja fulltrúa skólans og verður það gert í byrjun mars. Nemendur eru almennt duglegir að æfa sig og vita að æfingin skapar meistarann.

Næsta vika er síðasta vika fyrir vetrarfrí og eitthvað verður um námsmat hjá nemendum en kennarar láta vita af því.

Kveðja,

Ingibjörg

Í þessari viku var ósköp venjuleg skólavika.

Á þriðjudaginn kom snjórinn og það þótti mörgum gaman en hann fór daginn eftir.

Á mánudaginn og miðvikudaginn í Náttúrufræði var vísindavaka og í henni völdu allir sér tilraun og sýndu hana fyrir bekkinn sinn. Hægt er að sjá myndir á náttúrufræðibloggsíðunni.

Í dag er bóndadagur og mættu margir með bindi í skólann.

KV. Anna Marý

Hæ Hæ

Á mánudaginn og þriðjudaginn voru venjulegir dagar og við gerðum ekkert sérstakt.

Á miðvikudaginn var miðstigsgleði og þar var haldin kosning, hver ætti að fara í nemendaráðið. Stefanía og Elís unnu.

Á fimmtudaginn var píptest í íþróttum og það gekk mjög vel hjá öllum.

Í dag er föstudagur og Erla kom með harmonikuna sína og spilaði fyrir okkur það var mjög flott hjá henni, hún sagði okkur líka frá harmonikunni og það var mjög fróðlegt.

Kveðja Selma  

Þetta var ósköp venjuleg skólavika en ekki var skóli á miðvikudaginn. Á fimmtudaginn var venjulegur dagur. En 9. og 10. bekkur voru á Blítt og létt á Laugarvatni. Það þýddi að við fengum að fara á opið hús. Ég held að öllum hafi fundist það skemmtilegt.

Kv.Helgi